खुट्टिडाँगी । कविशिरोमणी मावि पूर्व विद्यार्थी समाज अध्यक्षमा भुपेन्द्र पाठक चयन भएका छन् ।
शनिबार विद्यालयमा आयोजित समाजको वार्षिक साधारणसभाले पाठकको अध्यक्षमा नयाँ कार्यसमिति चयन गरेको हो ।
समाजको उपाध्यक्षमा इश्वर घिमिरे , सचिवमा पवित्रा आचार्य, कोषाध्यक्षमा उदय शिवाकोटी र सहसचिवमा आशिष पौडेल चयन भएका छन् ।
त्यस्तै सदस्यहरुमा सुबोध चौलागाईं, दिवस भण्डारी, विष्णु घिमिरे र होमनाथ पौडेल चयन भएका छन् ।
त्यसैगरी सो भेलाले लिलाप्रसाद भण्डारीको संयोजकत्वमा सल्लाहकार समिति र विधान समिति गठन गरेको छ ।
सल्लाहकार समिति सदस्यहरुमा सुब्रत न्यौपाने, राजु धिमाल, झुलन रेग्मी र रन्जु बराल रहेका छन् । विधान समिति सदस्यमा दिवश भण्डारी र उदय शिवाकोटी रहेका छन् ।
साधारणसभाको अवसरमा विद्यालयबाट भर्खरै सेवा निवृत्त भएका शिक्षक लोहितप्रसाद चापागाईं र मीरा पोखरेललाई सम्मान गरिएको छ ।
सम्मानित शिक्षकलाई कार्यक्रमका प्रमुख अतिथि मेचीनगर-९ का अध्यक्ष कन्चन तामाङ, विद्यालय व्यवस्थापन समिति अध्यक्ष संगीता थापा, समाजका अध्यक्ष सुब्रत न्यौपानेलगायतले सम्मान पत्र तथा दोसल्ला ओढाएर सम्मान गरेका थिए ।
सो अवसरमा प्रमुख अतिथि वडाध्यक्ष तामाङ, समाजका पूर्व अध्यक्ष लिलाप्रसाद भण्डारी, सम्मानित शिक्षक चापागाईं र पोखरेल, विद्यालय व्यवस्थापन समिति अध्यक्ष संगीता थापा, व्यवस्थापन समितिका पूर्व अध्यक्ष चन्द्रमणी पौडेल, प्रधानाध्यापक कृष्णप्रसाद अधिकारीलगायतले विद्यालयको शैक्षिक तथा भौतिक उन्नयनका लागि गर्नु पर्ने पहल सम्बन्धमा सुझाव राखेका थिए ।
निवर्तमान अध्यक्ष सुब्रत न्यौपानेको सभापतित्वमा सम्पन्न सभाको संचालन निवर्तमान सचिव राजु धिमाल र निर्वाचन समितिका चन्द्रमणी पौडेलले गरेका थिए ।
-1730172087.jpg)