सुदूरपूर्व तेस्रो वर्षमा

खबर

गृहपृष्ठ
खबर
सुदूरपूर्व तेस्रो वर्षमा

सुदूरपूर्व तेस्रो वर्षमा हामी सबैको ‘सुदूरपूर्व’ बन्ने लक्ष्य

सोमबार, कात्तिक ५, २०८१ सुदूरपूर्व डेस्क

प्रिय पाठक,
सुदूरपूर्व आजबाट तेस्रो वर्षमा प्रवेश गरेको छ । अहिलेसम्मको यात्रामा हामीसँगै जोडिनु हुने प्रिय पाठकहरुमा यो खबर सम्प्रेषण गर्न पाउँदा हामी हर्ष विभोर छौं । हाम्रो यात्रा अवधिमा हामीलाई गर्नु भएको निरन्तरको खबरदारी, सुझाव र रचनात्मक प्रतिक्रियाका लागि आभार प्रकट गर्दछौं ।

कोभिडको चुनौतीका बीच सुरु भएको हाम्रो यात्राले अभावमा जिउँन मात्र सिकाएन, प्रतिकुलतामा बाच्नसमेत प्रेरणा भ¥यो । निरन्तरको यात्रा त्यस्तै रापतापको परिणाम हो । सञ्चार जगतमा हाम्रो उपस्थिति सूचनाको महत्व र पत्रकारितामा उत्कृष्टता, शिष्ट एवम् स्पष्ट शैली निर्माण गर्नु पनि हो । हामी सोही धर्म निर्वाह गर्ने ध्याउन्नमै छौं ।

अहिलेको पत्रकारिता केवल समाचार सिर्जना गर्न मात्र जिम्मेवार छैन, समाजमा सकारात्मक परिवर्तन ल्याउने साँचोको रुपमा प्रकट हुँदैछ, हामी सदैव सोही धरातल माथि उभिने प्रयत्न गरिरहेका छौं । सधैँ सत्य र निष्पक्षता प्रदान गर्ने कबुल गर्दछौं ।

शिक्षालाई मूलधारमा राखेर समाचार पस्कन हाम्रा कलमहरु दुरुस्त छन् । शिक्षा समाजको मेरुदण्ड हो यस तथ्यलाई सरोकारवाला सबैले बुझ्न र बुझाउन हामीले चलाएका कलम सहयोगी सिद्ध भइरहेका छन् । हामीले उठाएका सामग्रीप्रति तपाईं पाठकको विश्वास र समर्थनले हामीलाई उर्जा भरिरहेका छन् । यही हौसलाले गर्दा हामीले खासगरी शिक्षा क्षेत्रमा तथ्याङ्कगत सूचना र समाचारहरु पस्किरहेका छौं ।

तपाईंहरुको विश्वास हाम्रा लागि उर्जाका स्रोत बनिरहने छन्, र हामी यसलाई अझ मजबुद बनाउन निरन्तर प्रयासरत रहने छौं । यात्रा जारी छ । हामी सबैको ‘सुदूरपूर्व’ बन्ने लक्ष्य पछ्याइरहेका छौं ।

यही विश्वासका साथ वार्षिक उत्सवको अवसरमा समस्त पाठकमा आभार, बधाई एवम् शुभकामना । जय कलम ।। जय कलमवीर ।।
– सुदूरपूर्व

प्रकाशित मिति: सोमबार, कात्तिक ५, २०८१ ०९:४९

प्रतिक्रिया दिनुहोस्