धुलाबारी । होलिबेल अंग्रेजी माध्यमिक विद्यालयको वार्षिक उत्सव विविध कार्यक्रमका साथ सम्पन्न भएको छ ।
बुधबार धुलाबारीको टाउन हलमा सम्पन्न कार्यक्रममा विद्यालयको शैक्षिक तथा विद्यार्थीका विविध अतिरिक्त क्रियाकलाप आयोजना भए ।
विद्यालयको २४ औँ वार्षिकोत्सवको अवसरमा आयोजित कार्यक्रममा विद्यालयबाट एसइइ परीक्षामा उत्कृष्ट नतिजा ल्याउने विद्यार्थीलाई सम्मान तथा पुरस्कृत गरिएको थियो । त्यस्तै विद्यार्थीहरुले एकल तथा सामुहिक नृत्य, गायन, झाँकी एवम् प्रतिभा प्रस्तुत गरेका थिए ।
मेचीनगर-९ का वडाअध्यक्ष कन्चन तामाङको प्रमुख अतिथ्यता तथा विद्यालय ब्यवस्थापन समिति अध्यक्ष गोपाल बस्नेतकाे अध्यक्षतामा सम्पन्न वार्षिक उत्सवमा विशेष अतिथि कबि शिरोमणी माविका प्रधानाध्यापक दामोदर ढुङ्गेल, मेची उध्योग बाणिज्य संघका निवर्तमान अध्यक्ष ऋषि तिम्सिना, बलभद्र आधारभुत बिद्यालयका सहायक प्रधानाध्यापक देबु बानियाँ, बिद्यालयका संस्थापक अमृता प्रधान, प्रिन्सिपल अरिस्ता प्रधान, निर्देशक अभिषेक प्रधान लगायतले बोलेका थिए ।
२०५७ सालमा मेचीनगर-९ धुलाबारीमा स्थापना भएको होलिवेल अंग्रेजी माध्यमिक विद्यालय र विद्यार्थीको बारेमा कक्षा ८ मा अध्ययनरत अनन्य मल्लले प्रस्तुति दिएकी थिइन् ।
विद्यालयको शैक्षिक, भौतिक र आन्तरिक गतिविधिका बारेमा बिधालयका प्रिन्सिपल अरिस्ता प्रधानले जानकारी गराएको कार्यक्रममा संस्थापक स्वर्गीय अणु प्रधानको सम्झनामा दीप प्रज्वलन गरिएको थियो ।
अध्यक्ष गोपाल बस्नेतले स्वागत मन्तव्य राखेको कार्यक्रमको सञ्चालन चन्द्रमाया सिटौलाले गरेकी थिइन् ।
