झापा । माध्यमिक शिक्षा परीक्षा ‘एसईई’ २०८१ बिहीबारबाट सुरु हुँदैछ ।
झापाका ५७ केन्द्रबाट १७ हजारबढी परीक्षार्थी परीक्षामा सहभागी बन्दैछन् ।
शिक्षा विकास तथा समन्वय इकाई झापाले परीक्षाको सम्पूर्ण तयारी पुरा भएको जनाएको छ ।
बुधबार एक सूचना जारी गर्दै इकाईले परीक्षालाई मर्यादित र शान्तिपूर्ण वातावरणमा सम्पन्न गर्न सहयोग गर्न सबैमा अपिल गरेको छ ।
इकाईले परीक्षा अवधिभर हलभित्र अनुगमनको नाममा हुल बनाएर नजान र हल भित्रको तस्बिर तथा भिडियो नखिच्न आग्रह गरेको छ ।
परीक्षा भइरहेको समयमा अनाधिकृत ब्यक्तिहरु प्रवेश गर्ने कार्य नगर्नसमेत अनुरोध गरेको छ ।
समन्वय एकाई झापाले परीक्षा हलमा मोबाइल फोन, स्मार्ट वाच, साइन्टिफिक क्याल्कुलेटर, ट्याब, हेडफोन तथा अन्य इलेक्ट्रोनिक डिभाइस लैजान नपाउनेसमेत सूचनामा उल्लेख गरेको छ ।
‘एसईई’ २०८१ मा झापाबाट १७ हजार २८ जना सहभागी हुँदै छन् । जसमा छात्रातर्फ ८ हजार ७८४ तथा छात्रतर्फ ८ हजार २४४ परीक्षार्थी रहेको इकाइ झापाले जानकारी दिएको छ ।
यस्तो छ एकाईको सूचना
